Nagdeklarar sang state of calamity si Cebu City Mayor Mike Rama kahapon bangod sa segi-segi kag mabaskog nga pag-ulan dala sang Tropical Depression Agaton.
Sa facebook post, ginpahayag ni Cebu City Disaster Risk Reduction and Management Council Chairman Gerardo Carillo nga ginpatigayon na ang mga evacuation efforts sa mga landslide kag flashflood prone areas.
Nag-abiso man si Carillo sa mga residente nga magcontact sa Cebu City Emergency cellphone numbers: 0932-537-7770, 0947-178-0000, ukon 0917-839-9896 inkaso nga may emerhensya.
Alas-7:30 sang aga kahapon, si Bagyo Agaton ang naglandfall sa Calicoan Island sa Guiuan, Eastern Samar.
Alas-5:00 kahapon sang hapon, ginbutang sang PAGASA ang lima ka mga lugar sa Visayas kag Mindanao sa idalum sang Tropical Cyclope Wind Signal (TCWS) No. 2.
