Nagapati ang tagpamaba sang Negros Occidental Police Provincial Office (NOPPO) nga maalam ang presidente sang Pilipinas kag nakahibalo ini nga dapat may proseso nga pagasundon antes makakuha sang armas ang mga civilian volunteers against crimes.
Sa interview sang Bombo Radyo Bacolod kay Police Lt. Abegael Donasco, ginpahayag sini nga ang pagrekomendar sang presidente nga armasan ang mga civilian volunteers agud makabulig sa mga kapulisan nga matapna ang krimen nga nagaluntad sa sosyudad.
Suno kay Donasco, magasunod sila sa written order sang presidente apang kun madayon man ini, dapat magapaidalom sa trainings kag mga proseso antes pa ang mga ini makauyat sang armas.
Suno diri ang rasun kun nga luyag sang presidente nga mahatagan sang armas ang mga civilian volunteers against crime, agud nga mabuligan ang mga law enforcers sa pagbuhin sang krimen nga nagaluntad sa sosyudad.
Aminado man ang tagpamaba nga may yara sang positibo kag negatibo nga madulot ang pagpa-armas sa mga civillian volunteers kasubong man sang iban nga mga bagay.
Nahibaluan nga ang pagsulundan kag ang procedures ang ginlakipan sang pagsiguro sang License to Own and Possess Firearms (LTOPF) nga requirement antes makabakal ang sibilyan sang firearm; firearms license; kag ang Permit to Carry Firearms Outside Residence (PTCFOR).
