Pasanyugon pa sang Bacolod Traffic Authority Office (BTAO) ang implementasyon sang towing kag clamping ordinance sa ciudad sang Bacolod sa masunod nga tuig.
Sa intreview sang Bombo Radyo Bacolod kay BTAO Head Patrick Leonard Lacson, sa record sang mga ini humalin Desyembre 1 tubtob 7, nagdangat sa 112 ang mga ginclamp nga salakyan samtang 122 naman ang gintow.
Kalabanan sa mga violators ang bangod sa illegal parking, obstruction sa dalanon, wala nagasunod sa mga traffic signages kag reckless driving.
Ang earnings nga natipon santo sa record sang Metro Towing Services sa bulan sang Nobyembre ang nagdangat sa P218,780.72.
Samtang P133,550 naman ang nagkadto sa BTAO.
Nahibaluan nga may-ara sang revenue sharing nga 75 porsyento ang magakadto sa Metro Towing Services samtang ang 25 porsyento ang para naman sa BTAO.
Sa clamping ang mga small vehicles ang magabayad sang P600, sa medium P800 samtang P1,000 naman ang sa large vehicle.
Sa bahin sang towing, P1,000 ang pagabayaran sang small vehicles, P1,500 sa medium kag P2,500 ang large vehicles.
Ang makolekta sang BTAO ang nagakadto sa ila nga trust fund kag ini ang ginagamit sa pagbakal sang mga panginahanglanon sang ila nga departamento.
Sa karun ang BTAO ang may tatlo ka mga towing vehicles samtang plano naman ini nga dugangan sang lima sa Enero 2024, gani malauman nga magasanyog man ang clamping kag towing activities sa tuig 2024.
