Ginkumpirmar sang pinuno sang Bacolod Traffic Authority Office (BTAO) nga nagapadayon ang pagpatigayon sang towing and clamping sa mga salakyan nga nagaillegal parking sa ciudad sang Bacolod.
Sa interview sang Bombo Radyo Bacolod kay Patrick Leonard Lacson, nagapadayon ang ila nga pagtow kag pagclamp kag ginagamit sagihapon ang equipment sang Metro Towing Services apang ang resibo ang ciudad na ang nagaissue kasunod sang advise ni Bacolod City Legal Officer Atty Carlos Ting Jr.
Madumduman nga ginahulat pa ang Memorandum of Agreement para sa nasambit nga towing company bangud nag-expire ini sang tinalikdan nga Nobyembre tuig 2023.
Ang BTAO sa karun ang nagaissue sang resibo sa mga ginclamp kag gintow.
Suno diri sa tion nga available na ang MOA, ioffset lang towing company ang 25 percent sa collection sang ciudad bangud gin-usar sang ciudad ang mga personnel kag mga gamit sang kumpaniya samtang nagahulat sang MOA.
Suno kay Lacson, wala man sila sang negatibo nga nakita sa Metro Towing Services sa operation gani ini sagihapon ang towing company ang mangin partner sang ciudad sa 2024.
