Balik na ang operasyon sang Bacolod Transportation and Traffic Management Department sa pag-clamp sa mga naga-illegal parking.
Sa interview sang Bombo Radyo Bacolod kay BTTMD officer in charge Atty Reuben Sabig, nag-umpisa sila sa pag-clamp sang tinalikdan nga semana kag pagpinta sa gutter sa pila ka mga dalan sa ciudad.
Suno diri, napintahan na ang dalan Lacson sa Corazon Locsin Montelibano Memorial Regional Hospital kag on going man pagpaminta sa gutter sa bahin sang La Salle.
Suno kay Sabig, clamping lang anay sa karun kag wala sang towing kag may ginabilin lang nga citation ticket kag instructions sa pagproseso sang pagkakas sang clamp apang may yara sang penalty para diri.
P600 ang penalty para sa light vehicles, P800 para sa medium vehicles kag P1,000 para sa heavy vehicles.
