Masobra 40 ka mga local government units sa Luzon ang nagsuspender sang klase kahapon bangud sa volcanic smog nagikan sa Bulkan Taal suno sa Department of Education.
Suno sa DepEd, ginsupender ang face to face classes kag nagshift sa blended learning ang pila ka mga buluthuan sa Metro Manila, Batangas, Cavite kag Laguna bangud sa volcanic unrest.
Gin-abisuhan man sang mga local government units ang publiko nga magsuksok sang face masks kag magpabilin sa sulod sang ila mga puluy-an kun posible.
Ang Bulkan Taal ang nagapabilin sa Alert Level 1 nga nagapatimaan nga ini ang yara sa abnormal condition kag indi dapat pag-iinterpret nga nag-untat na ang pagpamahog sang eruptive activity.
Sang Domingo, nagpakita ang Department of Environment and Natural Resources stations sang unhealthy levels sang kalidad sang hangin sa pila ka bahin sang Metro Manila.
Nagpagwa man ang DepEd sang memorandum No. 46 series of 2024, nga nagapahanugot sa apektado nga mga buluthuan nga suspendihon ang klase kun wala sang isa ka official announcement nagikan sa local government units.
