Claudine Barretto, naaksidente sa set kag gindala sa ospital

Ginpahayag sang aktres nga si Claudine Barretto nga siya ang naaksidente sa set kag gilayon nga gindala sa ospital.

Sa instagram post sang aktres, ginsaysay sini nga natabo aksidente sang Pebrero 8, kag ginpahayag nga siya ang nasamaran sa bahin sang iya lawas, lakip na ang ulo, likod, kag sa iya nga bat-ang.

Nagpasalamat naman ang aktres sa iya mga fans nga nagpakita sang suporta kag kabalaka sa social media.

Pahayag sang actress nga ang paghigugma sang iya mga fans amo ang nagahatag sa iya sang kusog agud mas mapadasig ang iya pag-ayo.

Madumduman nga tuman man ang kasubo nga nabatyagan ni Claudine matapos nga nagtaliwan ang iya nga iloy nga si Inday Barretto sang nakaligad nga mga semana.