Ginpakigbahin sang aktres nga si Claudine Barretto sa iya social media matapos nga ini ang liwat nga maospital bangud sa depression.
Dugang pa sa post sang actress ang pagpanawagan sa publiko nga indi gilayon paghusgaran ang mga nagakatabo sa isig katawo.
Sa video nga iya ginpakigbahin niya sa social media sang Agosto 24, makita ini nga nagahakos sa iya doktor kag nagahigda sa katre sang ospital samtang ginahaplos siya sang iya anak nga si Noah.
Nagpabutyag man sang suporta ang pila ka mga personalidad kaangay nanday Vilma Santos, Vina Morales, kag Small Laude.
Madumduman nga una na nga gin-share sang aktres nga makapila ka beses siya nga nagboluntaryo para sa rehabilitation bangud sa post-traumatic stress disorder, kag indi bangud sa drug issues.
Ginpakigbahin man sini sang una ang iya mga inagyan nga depression kag sexual abuse.
Sa pihak sang sitwasyon sini padayon siya sagihapon sa pagbulig sa mga nagakinahanglan.
