Clean-up operation, padayun nga ginapatigayon sa creek sa Prk Riverside, Brgy Bata, Bacolod City

Alas-9:00 subong nga aga, tatlo na ka truck sang basura ang nahakot sa ongoing nga clean up operation sa creek sa Purok Riverside, Brgy Bata, Bacolod.

Ang creek ang naga-angot sa creek sa Brgy Banago.

Ginbisitahan man ni Bacolod City Mayor Greg Gasataya ang area agud tsekyaron ang operasyon.

Madumduman nga sang samlag lang, nagpatigayon sang clearing operations sa mga structures nga nahamtang sa kilid sang nasambitan nga creek.

Lauman ang medyo mabug-at nga trapiko sa pasulod ukon pagwa sa Northern exit sang Bacolod City bangod sa madamo nga salakyan nga nagahakot sang basura.

Apisar nga tatlo na ka trucks ang inisyal nga nakuha, tuman ka damo gihapon ang kinahanglan pa nga kuhaon agud tayuyon nga maka-ilig ang tubig.