Alas-9:00 pa lamang kaina sang aga, nagdangat na sa tatlo ka truck sang basura ang nahakot sa ginpatigayon nga clean up operation sa creek sa Purok Riverside, Brgy Bata, Bacolod City.
Ang creek ang konektado sa creek sa Brgy. Banago.
Ginbisitahan man ni Bacolod City Mayor Greg Gasataya ang area agud tsekyaron ang operasyon.
Yara man ang presensya sang kapulisan, City Legal Enforcement Team, City Disaster Risk Reduction and Management Office kag City Engineer’s Office.
Madumduman nga sang sangdamlag lang, nagpatigayon sang clearing operations sa mga structures nga nahamtang sa kilid sang nasambitan nga creek.
Nangin mabug-at man ang trapiko sa Northern exit sang Bacolod City bangod sa madamo nga salakyan nga nagahakot sang basura.
Apisar nga tatlo ka trucks nga nakuha una nga nakuha, kaangay nga nagasalom gihapon sa basura ang personnel sang City Engineer’s Office nga nagpanaog agud maalalayan ang paghakot sang backhoe.
Natigayon man nga mapahagan-hagan ang nagabara nga basura, kag napailig gid man ang tubig sa nasambitan nga creek.
Ang nagasupon nga basura ang ginatudlo nga rasun sa madasig nga pagluntad sang baha sa lugara kun may makusog nga pag-ulan, kag ang mahinay nga pagsubside sang tubig-baha.
Nagpanawagan naman sang kooperasyon si Mayor Greg sa mga pumuluyo.
Suno diri, bisan ano ka panglimpyo, clearing ukon declogging sang ciudad, ini ang wala gihapon sang resulta kun padayun ang paghaboy sang mga tawo sang basura.
