Ginpierde sang Cleveland Cavaliers ang Toronto Raptors sa Game 7 sang ila first-round series sa NBA Playoffs sa score nga 114-102.
Ginpangunahan ni Jarrett Allen ang kadalag-an sang Cavaliers paagi sa mabaskog nga performance matapos makarecord sang 22 points kag 19 rebounds.
Nagdugang man sang 22 points si Donovan Mitchell kag 18 points naman kay James Harden.
Apisar nga abanse ang Raptors sa una nga bahin sang hampang, nakabawi ang Cavaliers paagi sa dako nga puntos sa ikatatlo nga quarter.
Samtang, nanguna naman sa Raptors si Scottie Barnes nga may 24 points kag ginsundan ni RJ Barrett nga may 23 points apang wala nila napunggan ang pagdaog sang Cavaliers.
Bangud sini nga kadalag-an, sulod na ang Cavaliers sa Eastern Conference semifinals kag maga-atubang naman sa Detroit Pistons sa masunod nga round sang playoffs.
