-- ADVERTISEMENT --
Ginpahayag sang tagpamaba sang Corazon Locsin Montelibano Memorial Regional Hospital (CLMMRH) nga ginapahanugotan na ang pagdala sang isa ka bantay sa kada pasyente.
Sa interview sang Bombo Radyo kay John Michael Gab Zaragoza, epektibo sang Pebrero 01, 2025 ang polisiya.
Sadto wala ginpahanugotan ang pagbisita sa mga pasyente sadtong COVID 19 pandemic.
Suno diri, one is to one lamang ang pagbantay nga dapat isa lang ka watcher ang maupod sa isa ka pasyente magluwas na lang kun ang pasyente ang may mental health concern kag yara sa critical nga condition.
Pahayag ni Zaragoza, kun kaisa may mga tion nga madamo sang upod ang pasyente nga nagatinir sa gwa sang ospital nga nagatuga sang paggutok kag trapiko sa dalan.
-- ADVERTISEMENT --
