Lima na ka mga swab sample ang naproseso sang molecular laboratory sa Corazon Locsin Montelibano Memorial Regional Hospital (CLMMRH) humalin sang ginhatagan ini sang license to operate tatlo na kaadlaw ang nakaligad.
Sa interview sang Bombo Radyo Bacolod kay Dr. Julius Drilon, Medical Center Chief sang CLMMRH, ginpahayag sini nga wala pa napagwa ang resulta nga nagikan sa molecular lab sang regional hospital bangud ginpadala pa ini sa Regional Office sang Department of Health.
May yara man sang ginahulat nga mga swab sample nga nagikan sa City Epidemiologist Office.
Ginpahayag man ni Drilon nga madasig naman maggwa ang resulta nga ginabanta duha ka oras ang kinahanglan.
Ultimate goal naman sang syudad ang mass testing kag mahimo man nga makabaton sang 100 test per day.
Pangunahan naman ni Dr. Grace Tan sang City Health Office ang pagkuha sang swab samples.
