Ginpahayag sang Chief Executive Officer sang Metro Bacolod Chamber of Commerce and Industry (MBCCI) nga minimal lang ang epekto sang closure sang San Juanico Bridge sa paglabay sang mga cargo trucks sa probinsya sang Negros Occidental.
Sa interview sang Bombo Radyo Bacolod kay Frank Carbon, indi gid man tuman ka dako ang epekto sang closure sang taytay para sa Samar apang sa bahin sang Leyte dako ang ila problema sa pagtransport sa mga produkto.
Suno diri, mahimo sila nga mangita sang alternative ports apang dako naman ang ila magasto sa transportasyon kag mas madugay ang byahe bangod malayo na ang ila ruta.
Suno kay Carbon, indi gid man madamo ang nagabyahe nga cargo trucks sa probinsya sang Negros Occidental bangod madamo man sang alternative ports nga maagyan.
Samtang, mahimo man nga maka-issue si president Ferdinand Marcos Jr sang price freeze agud indi tuman ka dako ang balayran sa byahe sang mga cargo.
Pahayag ni Carbon, sa karun dako ang problema sa ekonomiya sang probinsya bangod sa epekto sang bulkan Kanlaon eruption sa turismo, infestation sa mga tubo kasubong man nga may peste nga nagahalit sa mga humay sa Iloilo kag kumpirmado nga kaso sang Monkey pox.
