Ginasuportahan sang representative sang 5th District sang Negros Occidental ang cloud seeding nga natalana nga patigayunon sang Department of Agriculture kag Sugar Regulatory Administration (SRA).
Sa interview sang Bombo Radyo Bacolod kay Atty. Dino Yulo, dapat gid man nga panginpuslan ang mga rain clouds bangud sa karun tuman na kasingki ang init.
Suno kay Yulo, kinahanglanon sa mga katubuhan ang patubig gani kinahanglan ang ulan.
Gani, suportado sini ang bisan ano nga tikang sang gobyerno nga makabulig sa mga sugar producers sa probinsya.
Samtang, aminado man ini nga tuman nga kabudlayan ang naagyan sang mga sugar producers halin sa planting season tubtob sa milling season.
Ginpahayag man sini nga dapat yara sa P2800 tubtob P2900 ang mill gate price sang tubo agud nga makabawi ang mga mga mangunguma sang tubo kasunod sang pagsaka sang production cost.
Suno kay Yulo sang una okay na ang P2600 nga mill gate price apang sa karun bangud nagmahal na ang labor cost, abono, crudo kag spray sa pagpakigbato sa RSSI gani kinahanglan magsaka man ang mill gate price.
