Plano nga ipatuman sang Local Government Unit sang ciudad sang Bacolod ang clusterized ambulance system sa mga brgy.
Suno kay Bacolod City Mayor Alfredo ‘Albee’ Benitez, i-cluster ang mga 61 ka mga brgy bangod indi man tanan mahatagan sang ambulance kada isa.
Suno diri, sa kada clsuter may isa ka brgy nga magaserbe bilang manug-safe keep sang ambulance nga ihatag agud makaresponse sa katupad nga brgy.
Kada brgy may yara sang response team apang ang brgy nga ginhatagan sang ambulance ang mahimo nga maka-augment kun kinahanglan.
May yara na sang ginturnover nga ambulance sa Brgy Estefania kag sa karun may ginapa-abot pa nga duha ka ambulance halin sa Philippine Charity Sweepstakes Office (PCSO) kag isa halin sa ciudad.
Ang 61 ka barangay ang plano nga icluster sa pito tubtob sa siyam ka cluster.
