Ginrekomendar sang Commission on Audit (COA) ang mas estrikto nga tikang, kalakip ang pagwithhold sang sweldo kag paghatag sang penalidad batok sa mga opisyale sang Department of Education (DepEd) nga napaslawan sa pagliquidate sang cash advances (CAs) nga nagdangat sa P6.96 billion as of December 31, 2023.
Sa ila 2023 Annual Audit Report, ginflag sang COA ang kapaslawan sang DepEd nga estrikto nga tumanon ang laws and regulations, nga nagresulta sa pagtambak sang unliquidated CAs.
Kalakip sa mga key defeciencies ang paggrant sang CAs nga wala sang nagakaigo nga autority, pagtransfer sang funds sa tunga sang mga accountable officers (AOs), kapaslawan sa pag-impose sang nagakaigo nga bond sa mga AOs, kag pagbayad sang expenses kaangat sang Service Recognition Incentives (SRI) pinaagi sa CAs imbes nga direct payment.
Santo sa report, ang nagapanguna nga mga regions nga may pinakamataas nga unliquidated balances ang ginalakipan sang Region 7 ukon Central Visayas nga nagdangat sa P1.31 billion, Region 8 ukon Eastern Visayas nga may P1.01 billion, Region 12 ukon SOCCSKSARGEN nga may P819.4 million, Region 9 ukon Zamboanga Peninsula nga may P537.1 million, Region 6 ukon Western Visayas nga may P513.9 million kag National Capital Region (NCR) nga may P301.9 million.
Agud ini ang ma-address, ginrekomendar sang COA ang pagpa-untat sang paggrant sang panibag-o nga cash advances sa pila ka opisyales nga may pending nga balanse, pag-issue sang demand letters sa mag aktibo nga empleyado nga magaduso sa paghimo sang liquidation, pagwithhold sang sweldo kag dues sang delinquent AOs tubtob nga masettle sang mga ini ang ila mga obligasyon, pagpataw sang penalties sa idalom sang Civil Service Commission (CSC) rules for delays kag iwrite off ang mga dormant accounts nga masobra na isa ka dekada na nga wala naresolbar.
Nakabutang man sa report nga sa pila ka kahigayunan, may mga nabilin pa nga balanse gikan sa mga accountable officers nga retirado na, nagresign ukon absent without leave (AWOL) ukon natransfer, nga nagapabudlay pa sa recovery process.
