Ginpahayag sang public information officer sang Department of Education Division of Negros Occidental nga santo sa iya ihibalo, ginatos ka mga laptops ang nabaton sang kada distrito sa probinsya sang tinalikdan nga tuig.
Ini may kaangtanan sa kontrobersiya sa karun sa kapin P2.4 billion nga balor sang outdated kag overpriced nga laptops nga ginbakal sang DepEd para sa mga manunudlo para sa implementasyon sang distance learning sang tuig 2021 sa tunga sang COVID-19 pandemic.
Sa annual audit report sang COA para sa 2021, ginflag sang state auditors ang DepEd sa pagbakal sang kapin P2.4 billion nga balor sang laptps paagi sa Procurement Service of the Department of Budget and Management (DBM-PS) apisar nga may mas barato kag mas maayo nga option sa market.
Suno sa COA, ang pagbakal sang mas mahal nga laptops sang sa mga yara sa budget ang nagresulta sa pagbakal sang mas madutay nga unit nga kuntani makapulos pa ang masobra 28,000 ka mga manunudlo.
Suno sa COA, yara ang kuntani sa P35,046 ang estimated cost sang kada kaptop apang nagdangat sang P58,300 ang ginbakal sang DepEd gani nagikan sa 68,500 units, 39,583 lamang ang nabakal.
Indi man manami ang performance kag specs sang laptop nga ila ginprocure suno sa state auditor.
Sa interview sang Bombo Radyo kay Ian Arnold Arnaez, PIO sang DepEd Division of Negros Occidental, sa pagka-intindi sini, ang congressional budget ang ginahanda sang DepEd.
Suno sa iya, wala ini nakahibalo sang procurement apang sa distribution, dapat sa distrito ini ihatag kag yara ang kongresista.
Suno diri, tanan nga division sang Negros Occidental ang nahatagan sang laptop kag wala ini sang figure apang ginatos ang ginbaton sang kada distrito.
Indi naman ini imbolbado sa pagpanghatag sang mga supplies.
