Wala sang problema kay Bacolod City Mayor Greg Gasataya ang pagpatigayon sang special audit sa mga proyekto sa Bacolod City kun sa diin nalakip ang Legislative Building.
Nahibaluan nga ang contractor sang nasambit nga building amo ang Legacy Construction nga nangin controversial man sadto bangud sa issue sang flood control projects.
Suno sa pahayag ni Bacolod City Mayor Greg Gasataya, ang Commission on Audit (COA) ang naga-review sang tanan nga transactions sang City Government ilabi na kun nagabayad ang ciudad.
Suno kay Gasataya ang 2025 COA report ang ginpadala man sa Sangguniang Panlungsod sang Bacolod City kag tanan nga miyembro ang may yara sang kaugalingon nga pondo.
Ginpahayag sang alkalde nga kun may yara sang special audit ang COA sa mga proyekto sang ciudad nga ginpondohan gamit ang loan, wala ini sang nakita nga problema.
Gin-athag man sini nga P515 million sagihapon ang pondo para sa Legislative Building bangud ang P200 million nga dugang nga gamiton kuntani sa renovation sang Burgos Public Market ang wala pa nabidding.
