Proud kag tuman ang kalipay ni coach Freddie Roach sang mabatian nga pasudlon sa International Boxing Hall of Fame si Manny Pacquiao sa masunod nga tuig.
Suno diri, proud ini sa accomplishment ni Pacquiao kag bisan pa nga nanamian ini magtrabaho kaupod ang boxer sa pila ka tuig, mas nalipay ini sa karun nga magshare sang ‘same wall’ kaupod si Pacquiao sa Boxing Hall of Fame.
Sa sulod sang 20-year stint sang duha, nabuligan ni Roach si Pacquiao nga makuha ang pito ka record sa eight weight division world titles.
Suno pa diri, sadto sang ginbuksan sini ang iya gym nga Wild Card Boxing Club, naglaum ini nga makita ang masunod nga Muhammad Ali apang wala gid ini naglaum nga sang 2001 ang iya Muhammad Ali ang nagabug-at sang 122 pounds ukon 55.34 kg kag ang pangalan sini amo si Manny Pacquiao.
Pahayag ni Roach, si Pacquiao ang nagapabilin nga pride of the Philippines.
Si Roach ang inductee man sang International Boxing Hall of Fame sang 2012.
