Nagadayaw si Barangay Ginebra head coach Tim Cone sa maayo nga hampang ni RJ Abarrientos ilabi na sang nakaligad nga duha ka hampang sini.
Dako ang pagpati ni Cone sa abilidad ni Abarrientos nga masarangan nga maghimo sang dalagko nga puntos sa mga hampang sang Gin Kings.
Wala naman ginuyangan ni Abarrientos ang pagsalig nga ginhatag sa iya sang coaching staff matapos magpasulod sang 24 puntos, lima ka rebounds kag lima ka assists sa score nga 112-96 nga kadalag-an sang Gin Kings sa Phoenix sa PBA Governors’ Cup sadtong Miyerkules sa Ninoy Aquino Stadium.
Ang kadalag-an ang nagdala sa Gin Kings sa playoffs sa 6-3 nga rekord.
Dako naman nga bulig kay Abarrientos ang naagyan sini sa Korean Basketball League kun sa diin naghampang ini para sa Ulsan Hyundai Mobis Phoebus.
Nakahampang man si Abarrientos kaupod ang Shinshu Brave Warriors sa Japan B.League.
