Nagresign na bilang head coach sang Philippine Men’s National Football Team (PMNFT) si coach Tom Saintfiet.
Gin-anunsyar sang team ang development kun sa diin magabalik si Tom sa Africa para i-lead ang Mali team.
Suno kay Philippine Football Federation (PFF) National Teams Director Freddy Gonzalez, sa una sini nga nakita si Tom ila na nadiskusyunan nga kun may yara man sang dako nga oportunidad nga mag-abot sa iya, indi sini pagpunggan ang coach.
Dugang pa sini, nag-abot si Tom sa Pilipinas sa intention sini nga magbulig apang ang pagpalangga sini ang nagapabilin nga yara sa Africa.
Suno kay Gonzales, nagapangita na sila sa karun sang ibulos kay Tom, ilabi na nga nagahilapit ang Merdeka Cup kag preparasyon pa para sa AFF Mitsubishi Electric Cup.
Nagsulod si Tom sa PMNFT bulos kay Michael Weiss sang Pebrero kag ginpangunahan ang squad sang Marso kag Hunyo nga windows para sa 2026 FIFA World Cup Asian qualifiers kun sa diin nadagdag ang Pilipinas sa Iraq, Vietnam, kag Indonesia.
