Ginaagda sang District Auxilliary Director, Coast Guard Auxiliary District Southern Visayas (CGADSV) ang tanan nga updan ang Dugong Bombo: Blood letting activity sang Bombo Radyo Philippines sa November 15.
Sa interview sang Bombo Radyo Bacolod kay Rear Admiral Dannyl Yap, dekada na sila nga nagaupod sa Dugong Bombo: Blood letting activity sang Bombo Radyo Philippines.
Suno kay Yap, wala sila nagaduha-duha sa pag-upod sa nasambit nga aktibidad ilabi na sa humanitarian service gani personal ini nga magapakuha sang dugo sa maabot nga Nobyembre 15.
Suno diri, ang ila natalana kuntani nga blood letting activity ang ila nga ginkanselar bilang preparasyon sa Dugong Bombo.
Nanamian man si Yap nga advance ang pag-announce sang nasambit nga aktibidad bangud nga nakahibalo na ang mga possible blood donors sang ila nga himuon sa tion nga magdonate sang dugo.
Madamo man nga members sang Coast Guard Auxiliary District Southern Visayas ang ginalauman nga makigbahin sa Dugong Bombo.
Suno kay Yap, ginaagda sini ang tanan nga magdonate sang dugo bangud dako ini nga bulig sa tanan nga nagakinahanglan.
