Nagpirma sang Memorandum of Agreement upod sa Bombo Radyo Bacolod ang Philippine Coast Guard Auxiliary – District Southern Visayas (CGDSV) para sa pagpartisipar sa Dugong Bombo 2026 in partnership sa Philippine Red Cross sa Nobyembre 14.
Sa interview sang Bombo Radyo kay Rear Admiral Dannyl Yap, District Auxillary Director Coast Guard Southern Visayas, kada tuig sila nga nagapartsipar sa Dugong Bombo bangud pareho ang adbokasiya sang ila nga organisasyon kag sang Bombo Radyo nga magbulig sa komunidad.
Suno kay Yap, sila ang handa gid nga suportahan ang Dugong Bombo kag padayon man ang ila nga kampanya sa mga iligible donors nga magdonar sang dugo.
Suno diri, dako gid nga bulig ang Dugong Bombo ilabi na nga ginakulang ang dugo sa bloodbank sa Bacolod.
Pahayag sini nga dapat mahibaluan sang tawo nga sila ang pwede gid makabulig paagi lamang sa pagdonar sang dugo.
Gina-imbitar sini ang mga iligible donors nga maghiusa sa adbokasiya sang Bombo Radyo paagi sa pagdonar sang dugo sa Sabado.
Samtang, nagpahayag man sang suporta ang 1st Vice President sang Anchor Lions Club sa Dugong Bombo.
Suno kay Anchor Lions Club 1st Vice President Noel Oliva Imalay, padayon nila nga suportahan ang mga aktibidad sang Bombo Radyo.
Gina-imbitar sini ang tanan nga miyembro sang Lions Club nga magdonar sang dugo agud makabulig sa mga nagakinahanglan.
