Nagpanugyan ang district commander sang Philippine Coast Guard District Southern Visayas sa mga pumuluyo nga luyag maghatag sang bulig sa mga biktima sang Bagyo Ulysses sa Luzon nga sarang ini nga mapadala sa ila.
Sa interview sang Bombo Radyo kay Capt. Eduardo De Luna, ginpahayag sini nga kun may yara sang luyag nga magpadala sang relief goods, mga kagamitan ukon bayo para sa mga biktima sang bagyo, sarang sila nga makafacilitate agud idul-ong ini sa mga naapektuhan.
Suno diri, sarang nila ini nga matransport kag mahapit sa sub-station kag headquarters sa Luzon agud mahatag sa mga nagakinahanglan.
Gindugang man sini nga ang mga barko ang wala nagauntat sa pagdala sang relief goods para sa mga biktima.
Suno kay De Luna, malipayon ang Philippine Coast Guard nga ipadala ang bulig nga ila mabaton sa mga kauturan nga nagakinahanglan.
