Ang mga toddlers ilabi na nga ang mga kabataan nga nagapatubo sang ngipon ang nagapangakat, ang iban nagapang-ukob kun sa diin ini ang masakit, apang ini ang nakasalbar man sang isa ka bata.
Ini matapos nga napatay ang isa ka cobra matapos ginkagat sang isa ka tuig nga bata sa Bettiah village sa Bihar sa India.
Suno sa report, nagahampang ang bata nga si Govinda sa gwa sang ila balay.
Ginpalapitan ini sang cobra kag posible nga natak-an ang bata gani ginkagat niya ini.
Gilayon naman nga napatay ang cobra.
Pila ka oras ang nakaligad, nagpangluya si Govinda.
Gindala ini sang iya pamilya sa Primary Health Centre (PHC) apang gin-refer ini sa Government Medical College and Hospital (GMCH) sa Bettiah.
Sa karun yara na sa maayo nga kondisyon ang bata.
Halos indi naman makapati ang mga pumuluyo nga nakasaksi sang hitabo.
