Cobra sa Davao del Norte, wala sang nahimo matapos ginkaon sang pato

Nag-viral sa social media ang isa ka pato mapatos sini nga gin-atake ang man-og sa banwa sang Sto. Tomas, Davao del Norte sang nakaligad nga semana.

Sa video nga gin-upload ni Analyn Aragon makita nga ikog na lamang sang cobra ang yara sa bibig sang pato.

Ginbutong pa nila ang man-og apang nautod ang lawas sini.

Suno kay Aragon, nakita sang bana sini nga ginapiyestahan sang mga pato ang man-og.

Una pa sila nakabatyag sang kahadlok apang ila ginkakibot ang natabo bangod nga imbes ang pato ang biktima sang man-og, ang cobra ang nangin pagkaon sang pato.

Makaligad ang pila ka adlaw, liwat nga nakuhaan sang video ni Aragon ang nasambit nga pato nga may nadakop na naman nga man-og kag ginkaon.