Nangin madinalag-on ang pagpatigayon sang filing sang Certificate of Candidacy sa probinsya sang Negros Occidental santo sa assessment sang Commission on Elections-Negros Occidental.
Sa interview kay Negros Occidental Provincial Election Supervisor Atty. Ian Lee Ananoria, humalin sang nag-umpisa ang filing sang COC nangin malinong kag matawhay.
Suno kay Ananoria, nagdamo ang last minute nga nagfile sang COC kag kalabanan nga nagfile ang paagi sa mga representative.
Suno diri kun may yara sang sala sa dokyumento ginacorrection kag ginbaton man sang COMELEC ang COC.
Bangud natapos na ang COC filing period, pagatipunon sang mga election officers ang ang tanan nga COCs nga ginfile sang political aspirants kag idal-on sa Manila agud ipasa sa law department sang Commission on Elections.
Natalana naman sa Oktubre 14 ang Election Registration Board (ERB) hearing kag ginalantaw nga sa bulan sang Nobyembre may yara na sang ipagwa nga voters list ang COMELEC.
Ginpasalamatan man sini ang tanan kasubong man ang katapo sang media nga nagbulig sa pagpalapta sang impormasyon agud nga mangin transparent sa mga pumuluyo ang ginpatigayon nga COC filing.
