Isa ka aspirant nga magapadalagan bilang alkalde sang Himamaylan City ang gin-agawan sang Certificate of Candidacy (COC) kahapon sang aga, Oktobre 8, ulihi nga adlaw sang filing period.
Sa interview sang Bombo Radyo kay City Engr. Vicente Genova, mayoralty aspirant, nagalakat ini sa Vallega street padulong kuntani sa Comelec Office agud magfile sang iya kandidatora kag bitbit sini ang isa ka folder nga ang naga-unod sang COC, sang hinali lang nga gin-agaw sang isa ka lalaki nga naka duag itom kag naka-kalo ang folder ni Genova.
Ang nasambitan nga lalaki ang may isa pa ka kaupod.
Apang nahingagaw man agaw sang kaupod ni Genova ang folder sa wala makilala-an nga mga lalaki.
Naghana pa nga magbato ang isa, tubtob nga amat-amat man nga nag-atras kag ang duha ang upod nga nagpalagyo.
Napablotter naman sini sa kapulisan ang nahanungod sa insidente.
Dugang pa ni Genova, nga wala ini sang ideya kung ano ang rason kag kung sin-o ang mga lalaki nga nag-agaw sang iya nga folder bangod wala man ini sang kontra.
Ginatugyan na lamang sini sa mga kapulisan ang imbestigasyon.
