Ginpresentar ni Prosecution Counsel Reynaldo Robles sa Impeachment Court ang ila panibag-o nga witness nga si Col. Manaros Boransing II sa ika-20 nga adlaw sang impeachment trial batok kay Vice President Sara Duterte.
Si Boransing ang commander sang Task Force Zamboanga sang Philippine Army.
Siya ang ginpatawag bilang witness indi angot sa pagbulsa sang pondo, kundi bangod ang iya pirma ang yara sa isa sa DepEd liquidation document nga gingamit para majustify ang P15.54 million nga confidential fund expenses.
Suno sa prosekusyon, ini ang kabahin sang P112.5 million nga confidential funds sang DepEd sang si Vice President Sara Duterte pa ang Education Secretary.
Matapos ang direct examination sang prosekusyon kay Boransing, kag sang interpellation sang Senator-judges, ginpresentar naman ang ikaduha nga testigo nga si Col. Magtanggol Panopio.
Ginklaro ni prosecution witness AFP Col. Manaros Boransing II nga wala nakabatun ang First Infantry “Tabak” Division sang Philippine Army sang funding halin sa Department of Education (DepEd), Office of the Vice President (OVP), ukon Vice President Security and Protection Group (VPSPG) para sa 2023 Youth Leadership Summit (YLS) kag Information Education Campaign (IEC) activities.
Kadungan sang iya paghatag sang testimoniya sa impeachment trial, ginpahayag ni Boransing nga wala sang ano man nga pondo halin sa DepEd nga gin-release ukon gin-download sa ila division para sa nasambit nga mga aktibidad.
Pahayag ni Boransing, nga ang mga lecturer kag participant gikan sa iban nga ahensya sang gobyeno kag stakeholders ang may kanya-kanya nga budget sa pag-upod sa summit.
Suno diri, para sa mga kabataan, ang local government unit ang nagasabat sang ila gastos, samtang ang tagsa ka talatapan naman ang nagagastos para sa mga lecturer kag participant halin sa iban nga ahensya sang gobyerno kag stakeholders.
Si Boransing ang assistant chief-of-staff sang civil at military operations sang First Tabak Division ng Philippine Army.
Sila ang naga-implementar sang YLS kag IECs Activities sang 2023.
Ginpahayag ni AFP Col. Manaros Boransing II, former assistant chief of staff for civil-military operations sang 1st Infantry “Tabak” Division sang Philippine Army, nga sa House hearing sang 2024 lang niya nahibaluan nga ang certification nga gin-issue niya ang gin-gamit sa documentation sang P15.54 million nga confidential funds sa idalom sang Department of Education (DepEd).
Suno kay Boransing, ginpahayag niya nga ang certification ang gin-gamit lamang sa pagkumpirmar sang partisipasyon sa Youth Leadership Summit (YLS) kag Information, Education, and Communication (IEC) activities.
Samtang ginpahayag naman ni Prosecution witness Col. Magtanggol Panopio nga nakibot ini sang nahibaluan nga gingamit sa liquidation document sang DepEd, sang si Vice President Sara Duterte pa ang Education Secretary sang 2023, ang iya certification para sa youth leadership summits sa 7th Infantry “Kaugnay” Division.
Suno kay Panopio, ang certification ang ginhatag lamang para pamatud-an nga may ginpatigayon nga mga summits.
Panindugan niya nga wala sila nakacertify sang bisan ano nga may kaangtanan sa kwarta ukon pondo.
Suno kay Panopio, nahibaluan lamang niya nga gingamit sang DepEd ang certification sang ginpatawag na ini sa hearing sang House committee on good government and public accountability sang 2024.
