Nagalaom ang gobernador sa probinsya sang Negros Occidental nga magaserbe nga ehemplo sa iban nga probinsya ang gintukod nga cold storage facility para sa mga bulong sa probinsya.
Ginpatigayon ang blessing ceremony sa warehouse sang Provincial Health Office Supply Chain Management sang Negros Occidental kahapon sang aga, Pebrero 4.
Suno kay Negros Occidental Governor Eugenio Jose ‘Bong’ Lacson, ang cold storage facility ang magahatag kasiguraduhan sa pumuluyo nga may yara sang nagakaigo kag padayon nga supply sang mga bulong sa mga ospital sang probinsya.
Suno diri, ang ini nga pasilidad ang requirement sa Universal Health Care.
Nagpasalamat man ang gobernador sa tanan nga nagbulig kag nagsuporta sa pagpatuman sang proyekto, lakip na ang Provincial Health Office kag iban pa nga ahensya sang gobyerno.
Ginalauman man ang warehouse nga mangin modelo para sa iban nga probinsya sa Negros Island Region (NIR), para sa efficient kag organisado nga pagdumala sang supply sang bulong para sa kaayuhan sang pumuluyo.
