College student, patay matapos maaksidente samtang nagamotorsiklo sa Brgy Sum-ag, Bacolod City kahapon sang kaagahon

Ginbawian sang kabuhi ang College student nga naaksidente samtang nagabyahe sakay sa motorsiklo sa bahin sang Brgy Sum-ag, Bacolod City, kahapon kapin ala-1:00 sang kaagahon.

Sa interview sang Bombo Radyo Bacolod kay Police Lt. Col. Ramel Sarona, pinuno sang Traffic Management Unit sang Bacolod City Police Office, nagabyahe si alyas ‘Jun’ padulong sa ciudad sang Bago apang paglab-ot sini sa Brgy Sum-ag, Bacolod City, naaksidente ini kag nakabunggo sa gutter.

Suno diri, nag-agom sang pilas sa ulo kag lawas ang biktima nga gintunaan sang kamatayon sini.

May Yara man sang suksok nga helmet si alyas Jun apang nagtabog bangod sa impact.

Gina-alegar nga madasig ang padalagan sini kag yara sa impluwensya sang makahulobog nga ilimnon.