Patay ang college teacher matapos maaksidente sa Hacienda Ariba,Barangay San Miguel, La Carlota City, Negros Occidental alas-4:00 kaina sang kaagahon.
Ang ginbawian sang kabuhi ang ginkilala nga si Alyas Anthony, 29 anyos, single, residente sang Purok 2, Barangay San Miguel, La Carlota City, manunudlo sa La Carlota City College, samtang ang backrider sini ang ginkilala nga si Alyas Edwin, 29 anyos, residente sang Purok 2, Brgy, San Miguel, La Carlota City.
Sa imbestigasyon, nagabyahe papauli ang manunudlo dala ang iya motorsiklo nga Yamaha Aerox 155 sang aksidente sini nga nabungguan ang likod sang nakapark nga Isuzu truck.
Ang driver kag ang angkas sini ang lunsay naglabog gikan sa motorsiklo kag nalampos sa semento kag nag-angkon sang samad sa nanarisari nga bahin sang lawas.
Gindala pa sa ospital ang duha, apang ang driver ang gindeklarar nga dead on arrival.
