Sa pihak sang mga pagduso sang postponement sang Barangay and Sangguniang Kabataan Elections, ang Comission on Election – Bacolod City ang padayun sa ila preparasyon para sa eleksyon sa Nobyembre 2.
Sa interview sang Bombo Radyo Bacolod kay Bacolod City Election Officer Atty Kathrina Trinio Caña, sila ang nagapatigayon na sang inspection sa mga eskwelahan nga gamiton sa piniliay.
Nagakoordinar naman ang COMELEC-Bacolod sa mga partner agencies kaangay sa mga kapulisan para sa mga security measures sa election period tubtob na sa mismo nga eleksyon.
Sa karun, may-ara sang 49 ka mga voting precincts sa Bacolod City, samtang nagadangat naman sa 961 ang total clustered precinct.
Pahanumdom naman sang election officer sa mga botante nga sadto nagabotar sa Estefania Training Center nga ang eskwelahan ang indi na gamiton, bangod ini ang indi condusive kag may mga guba kag kulang nga classrooms.
Sa baylo, ang mga botante sa amo nga voting precincts ang isaylo sa Romanito National High School, nga mas may nagakaigo nga pasilidad.
Gindugang man sa mga voting precincts ang Bata Elementary School 2.
Ini agud madecongest ang mga botante sa Bata Elementary School 1, agud indi maglapaw sa 400 ka botante ang macater sang kada clustered precinct.
Pahanumdom ni Cania nga manual voting ang Barangay and Sanguniang Kabataan Elections gani ini ang indi kaangay sa automated voting sa National Elections nga sarang makacater sang masobra isa ka libo nga botante ang kada presinto.
Suno diri, sarang pa madugangan ang mga voting precinct, bangod sa karun padayun pa ang ila nga inspections sa mga eskwelahan.
Ang COMELEC-Bacolod ang nagakoordinar naman sa DepEd division of Bacolod City para sa magaserbe nga electoral board members.
Sila ang magakinahanglan naman sang halos tres mil nga mga manunudlo bangod ang kada clustered precincts ang magakinahanglan sang chairperson, poll clerk, kag third member.
