Gindugok sang mga pumuluyo ang una nga adlaw sang pagbukas sang registration of voters subong nga adlaw, Hulyo 4, sa talatapan sang Commission on Elections (COMELEC) sa syudad sang Bacolod.
Nahibaluan nga nagresume subong nga adlaw ang registration of voters para sa patigayunon nga Barangay kag Sangguniang Kabataan (SK) elections sa Disyembre 5.
Lakip sa mga requirements para sa pagpa-rehistro amo ang valid ID kag para naman sa mga magaparehistro para sa SK, gina-require ang pagdala sang birth certificate.
Bukas ang COMELEC Office sumugod alas 8:00 ang takna sang aga tubtub alas-5:00 ang takna sang hapon, Lunes tubtub Sabado kalakip na ang holidays.
Nagpanugyan ang COMELEC-Bacolod sa mga pumuluyo nga magparehistro sang mas temprano agud malikawan ang pagdinaguso kun sa katapusan nga adlaw sang pagparehistro nga magpadulong sa talatapan sang Comelec sa syudad sang Bacolod.
