Magapatigayon sang Automated Counting Machine (ACM) roadshow ang Commission on Elections – Bacolod sa pila ka mga lugar sa ciudad.
Nahibaluan nga sang Lunes, Disyembre 2, ginpatigayon ang una nga adlaw sang Nationwide Automated Counting Machine (ACM) Roadshow kag ini ang ginpatigayon sang Bacolod City sa Ayala capitol Central.
Subong nga adlaw, ini ang patigayunon sa Robinson’s Mall sa dalan Lacson, Barangay Mandalagan, Bacolod City kag sa iban pa nga mall sa madason nga inadlaw.
Patigayunon man ini sa pila pa ka mga lugar sa ciudad sang Bacolod.
Sa interview kay Bacolod City Election Officer Atty. Revo Sorbito, ang purpose sang ACM roadshow amo nga mafamiliarize na sang mga botante ang bag-o nga machine antes paman ang piniliay.
Suno kay Sorbito, sadto may mga hitabo nga first time sang mga botante nga matest ang machine kag ini ang nagatuga sang paper jam sa balota nga ginakakibot sang pila ka botante kag nagaresulta sa delay sa eleksyon.
Suno sa election officer sang Bacolod, may isa ka bulan ang COMELEC agud mapatesting ang mga botante sang bag-o nga voting machines antes pa man ang 2025 Midterm Elections.
