Gin-alegar ni Bacolod City Mayor Evelio “Bing” Leonardia nga may isa ka prominente nga persona nga nagpahayag nga may nagsulod nga mga machines sa ciudad nga sarang makamanipulate sang resulta sang Eleksyon.
Ini ang ginpahayag ni Leonardia matapos sang iya pagbotar sa Education and Training Center School (ETCS) III kahapon.
Suno diri, ang persona nga naghatag sa iya sang impormasyon ang ginrespeto nga tawo kag ini ang indi man mahilig maglahog kun sa diin ini ang naghatag mismo sang partikular nga Barangay kun sa diin nagsulod ang gina-alegar makaduluda nga mga computers.
Gilayon naman ini nga nagkoordinar sa Punong Barangay bangod ini ang maka-alarma santo sa alkalde.
Pahayag pa ni Leonardia nga inkaso mapamatud-an, gilayon man ini nga magacontact sang kapulisan kun kinahanglanon.
Pahanumdom sang alkalde nga mangin mabinantayon sa eleksyon bangod diri nakasandig ang puturo sang syudad sang Bacolod.
Ginpahayag naman ni Bacolod City Election Officer Atty Revo Sorbito nga wala ini nakabatun sang impormasyon natuhoy sa pagsulod sang nasambit nga mga machine.
Paathag sini nga makomentar lang ini kun may-ara na sang mga mabatun nga impormasyon kag may magagwa nga witness nga nakakita nga gindala sa barangay ang nasambit nga mga computers.
Kwestyon man sini kun para sa diin ang gina-alegar computer bangod nagapati si Sorbito nga indi sarang mahilabtan ang resulta nga ginapagwa sang vote counting machines (VCM).
Aminado naman ini nga natural lang ang aktwasyon ni Mayor Bing bangod bilang kandidato nagahalong ini ilabi sa mga nagakabatun nga impormasyon nga mahimo makaapekto sa iya pagpapili.
Panawagan naman ni Sorbito sa mga pumuluyo nga indi gilayon magpati sa mga kutso-kutso.
Paathag sang Election Officer nga sang holy week palang, napadala na ang mga makinarya para sa eleksyon kag ang naga-isahanon nga forwarder amo ang F2 Logistics.
Tingob naman suno diri ang pag-abot sang mga ballot boxer, VCM kag iban pa nga election paraphernalia.
Samtang pasalig pa ni Sorbito nga wala sang iban nga maka-access sa mga gamit magluwas sa F2 Logistics.
Wala naman suno diri sang adisyunal nga mga machines nga ginpalagas ang F2 Logistics may kaangtanan sa eleksyon.
Angot sa technical issues, paathag ni Sorbito nga indi kabahin sa Chain of Command sini ang Comelec.
Bangod sini ang mga DESO Technical Support Staff ang nagaderetso na sa National maykaangtanan sa technical issues kag wala na nagadangop sa Comelec Offices.
Suno diri bisan siya nga Election Officer ang indi makadesisyon natuhoy sa pagbaylo sang contengency machine.
Pasalig naman sini nga may mga protocols nga ginasunod ang mga DESO tech sa kun ano ang himuon inkaso may mga problema sa VCM.
