Nagdangat sa 724 ka mga registrants ang nacater sang Commission on Election sa ciudad sang Bacolod sa ulihi nga adlaw sang Voter’s Registration nga ginpatigayon kahapon, Setyembre 30 sa Robinsons Mall Bacolod.
Sa interview sang Bombo Radyo Bacolod kay Election Officer Atty. Revo Sorbito, pila ka mga nagparehistro ang nagpila alas-2:00 palang sang kaagahon agud makakuha sang numero kag makauna sa pagparehistro.
Suno kay Sorbito nga indi mabasol sang mga residente ang COMELEC kun wala sila naakomodar.
Dugang pa sini nga pasulit sulit ang katapo sang komisyon kag humalin pa sang Pebrero nga nagpahanumdom sa mga pumuluyo nga temprano pa magparehistro kag indi na paghulaton ang ulihi nga adlaw sang Voter’s registration.
Suno pa diri, nga tanan ang luyag magexercise sang ila kinamatarong nga magboto apang dapat magparehistro.
Samtang preparado naman ang Commission on Elections (COMELEC) sa filing sang Certificate of Candidacy (COC) sumugod subong nga adlaw.
