Nagapadayun ang preparasyon sang Commission on Election (COMELEC) karun nga nagahilapit na ang May 9 Election.
Suno kay Comelec-Bacolod Head Atty Revo Sorbito, ang COMELEC ang isa sa ahensya nga tuman ka sako sa subong nga tinion nga nagahilapit na ang eleksyon.
Bangod sini, padayun man ang ginapatigayon nga mga seminars sang mga Board of Election Inspectors (BEI) nga nag-umpisa sang Enero kag tubtob pa sa Marso 25.
Ang mga seminars ang ginapatigayon naman sa nagkalain-lain nga mga venue sa syudad sang Bacolod.
Samtang natapos naman ang training nga ginpatigayon para sa mga Technicians nga magaserbe man sa maabot nga piniliay.
Karun nga nagahilapit naman ang Campaign Period para sa Local Candidates nga magabukas na sa Marso 25, nagpahanumdom si Atty Sorbito sa mga supporters nga magpabilin nga kalmado.
Panugyan man sini sa mga kandidato nga ipabilin ang high-level nga sahi sang pagkampanya tubtob sa May 2022 Elections.
