Nag-offer sang dugang nga security ang Commission on Elections sa 2022 presidential kag vice presidential candidates nga magarequest sini, matapos ang shooting incident nga nagluntad sa Bukidnon provice samtang nagapatigayon sang meeting si labor leader kag presidential candidate Leody de Guzman kaupod ang mga indigenous people.
Si De Guzman ang nagabisita sa Barangay Butong sa banwa sang Quezon kahapon agud mamati sa reklamo sang mga mangunguma nga Lumad sang kapin 50 ka mga persona ang ginaalegar nagpalupok sa ila.
Malayo naman sa katalagman si De Guzman kag ang senatorial bets nga sanday Roy Cabonegro kag David D’Angelo apang duha ka mga community leaders, lakip na ang yara sa tupad ni De Guzman, ang pilason.
Ginkondenar naman ni Comelec Chairman Saidamen Pangarungan ang reports sang election-related violence lakip na ang insidente sa Bukdnon.
Suno sa iya, samtang nagapatigayon sang imbestigasyon ang Comelec, maga-offer sila sang dugang nga seguridad sa kada presidential kag vice presidential candidates santo sa ila requests.
Kada election period, kalabanan ang ginadumilian sa pag-engage sa serbisyo sang security personnel magluwas lamang kun ini ang otorisado sang Comelec.
Apisar nga wala sang nagapugong sa mga kandidato nga magpangayo sanhg exemption sa nasambit nga rule, ang offer sang elections chief ang makabulig naman sa pagfast track sang mga requests sang mga kandidato para sa security escorts.
