Natalana nga magapirma sang kontrata ang Commission on Elections (Comelec) kag ang joint venture (JV) sang SMS Global Technologies, Inc. kag Sequent Tech Inc. para sa Online Voting and Counting System (OVCS) project.
Sa advisory, ginpahayag sang poll body nga ang pagpirma sang kontrata ang natalana bwas, Martes, alas 10:00 ang takna sa aga nga patigayunon sa main office sang COMELEC sa Intramuros, Manila.
Ginpahayag nga matapos ang pagpirma sang kontrata magasunod ang demonstratin sang JV’s internet voting system.
Ang OVCS ang pagagamiton sang overseas Filipinos sa pagcast sang ila nga boto sa May 2025 midterm elections.
Sang tinalikdan nga bulan, ang gin-award sang Comelec en banc ang proyekto sa Joint Venture sang SMS kag Sequent matapos nga magpasa sang bid proposal nga PHP112 million, mas manubo kumparar sa approved budget sang proyekto nga P465.8 million.
