Gin-athag sang alkalde sang Dumaguete City nga ang ila appeal nga ipostpone ang Barangay kag Sangguniang Kabataan elections 2023 sa probinsya sang Negros Oriental amo nga agud mahatagan sang separado kag hugot nga pagbantay sang Philippine National Police, Commission on Elections, kag Armed Forces of the Philippines ang eleksyon sa Negros Oriental kasunod sa natabo nga pagpatay kay the late governor Roel Degamo kag siyam ka iban pa.
Sa interview sang Bombo Radyo kay Dumaguete City Mayor Felipe Antonio Remollo, iya ginkumpirmar ang ila appeal para sa postponement sang eleksyon sa Negros Oriental kasunod sang natabo nga Degamo assassination.
Suno diri, bilang opisyal sang gobyerno, yara sa delikado ang kabuhi sang isa ka indibidwal, ini kaangay na lamang sa isa ka punong barangay sa Dumaguete nga ginpatay kag tubtob sa karun wala nasolbar ang kaso.
Dugang pa sini, ang pagduso nga idugon ang petsa sang eleksyon ang bangud sa pagpatay kay Degamo samtang nagahilapit ang petsa sang eleksyon, apang para kay Remollo nga isa man ka abogado, malapit na lang gid kag masolbar na ang kaso.
Pahayag ni Remollo, may yara sang personalan nga nagakatabo sa idalom sa mga barangay officials ilabi na kun sila ang supporter ukon kontra partido man sang mga nagapungko sa pwesto.
Paathag ni Remollo, kun matapos na ang election sa iban nga probinsya, matutukan sang Comelec, PNP kag AFP ang Negros Oriental nga indi na maliwat pa ang natabo nga insidente.
Siyam ka mga alkalde sa probinsya ang nag-apelar sa Comelec para sa rescheduling apang may yara man sang nagpamatok diri.
Bwas nga adlaw Miyerkules kag Huwebes, yara ang Comelec sa probinsya para magconduct sang provincial consultation.
