Ginpahayag sang Commission on Elections (Comelec) nga magapatigayon ini sang isa ka 10-day voter’s registration sa bilog nga pungsod para sa barangay and sangguniang kabataan elections (BSKE).
Ang ini nga development ang sa tunga sang paghulat sang Comelec sa desisyon ni President Ferdinand “Bongbong” Marcos Jr. sa hagna nga nagapostpone sang BSKE kag i-extend ang ila termino sa apat ka tuig.
Suno kay Comelec Chairman George Garcia, indi diri malakip ang Bangsamoro.
Suno sa iya, ini ang ila himuon agud makaangkon sang botante ilabi na sa Sangguniang Kabataan, nga naga-edad 15 tubtob 17-anyos nga magaboto para sa barangay and SK elections sa Disyembre 1.
Suno diri, mabudlay nga i-postpone ang registration samtang nagahilapit ang scheduled elections.
