Nakahanda ang Commission on Elections (COMELEC) nga magpagwa sang resolution nga nagaengganyo sa mga kandidato sa pagkasenador nga magtambong sa mga debate nga gin-organisar sang media organizations kag iban nga grupo agud nga magsiguro sang patas nga exposure para sa 66 ka mga kandidato.
Suno kay Comelec chairperson George Garcia, indi ang Comelec ang mapadebate apang mapahilabot lamang ang Comelec agud nga masiguro nga ini ang fair kag just sa tanan.
Suno kay Garcia, willing sila nga magpagwa sang bisan ano nga resolusyon agud nga masiguro nga patas ang oportunidad para sa mga kandidato bisan ano man ang partido kasubong man ang wala sang partido apang may yara sang equal nga opportunidad para sa pagdebate.
Dugang pa sang COMELEC official sa tion nga nag-issue sila sang guideline dapat nga sundon ini mismo sang mga kandidato gani may yara ini sang nagakaigo nga penalidad nga ihatag sa mga wala nagsunod sa ila nga mga patakaran
Gin-engganyo sang COMELEC ang mga media outfits nga siguruhon nga ang mga kandidato ang magapartisipar kun ang mga ini ang may plano nga magpatigayon ukon mag organisar sang debate para sa mga senatorial bets para sa 2025 elections.
Sang 2022, nagpanawagan si Comelec Commissioner Garcia sa kongreso nga magpasar sang layi nga nagarequire sa presidential candidates nga magtambong sa mga debate sa tagsa ka election kag dugang pa sini nga dapat may yara sang sanctions sa mga nagligoy ukon wala nagtambong sa debate.
