Nagpahanumdum ang Commission on Elections sa mga magafile sang ila certificate of candidacy nga sundon ang rules sang Comelec agud malikawan ang mga problema sang ila candidacy.
Ang Comelec ang nag-issue sang mga pahanumdum kahapon, ang eve sang labing una nga adlaw sang filing sang COCs.
Ang Comelec main office ang magapatigayon sang filing site sa Manila Hotel Tent City kag magabaton lamang sang COC para sa senator; Certificate of nomination, acceptance of nomination, affidavit of qualification for partylist system; COC para sa governor, vice governor, sangguniang panlalawigan member; COC para sa House of Representatives member magluwas lamang sa mga aspiring solons sa National Capital Region.
Samtang, sa mga magapapili naman para sa pagkaalkalde, bise-alkalde, sangguniang bayan member kag sangguniang panlungsod member ang sarang nga makafile sang ila COCs sa ila tagsa-tagsa ka mga Comelec offices sang ciudad ukon munisipalidad kun diin sila magapadalagan.
