Samtang nagahilapit ang eleksyon, nagpabutyag ang Commission on Elections (Comelec) sang kahangawa nga pila ka mga nagtaliwan na ang posible nga nalakip pa sang listahan sang mga botante.
Nagpaandam ang Comelec nga ang mga botante nga nagtaliwan na sa tunga sang COVID-19 pandemic ang yara gihapon sa listahan.
Suno sa Comelec, pila sa nasambit nga mga kaso ang sarang nga magamit agud kwestiyunon ang kredibilidad sang Eleksyon.
Suno kay Comelec Spokesperson James Jimenez, na-foresee na nila nga paglab-ot sang adlaw sang Eleksyon, madamo sa mga Filipino ang makit-an pa gihapon ang pangalan sang ila mga paryente sa listahan bangud wala na nakeep pace ang ila delisting process.
Suno diri, posible nga kun makit-an sang isa ka persona ang pangalan sang ila paryente nga nagtaliwan na sa listahan, magconclude sila nga may pagpangdaya sa Eleksyon.
Ginpahayag ni Jimenez nga ang mga pangalan sang nagtaliwan ang ginhukas sa voter’s list santo sa records nga ginpasa sang local covil registrar.
Suno sa iya, kun indi sila pagpahibaluon sang civil registry tuhoy sa isa ka persona nga nagtaliwan na, indi man nila ini mahukas.
Samtang, ginhangkat naman sang election watchdog nga Legal Network for Truthful Elections (LENTE) ang election board members kag ang publiko nga mangin vigillante sa adlaw sang Eleksyon.
