Ginhangkat ni Commission on Elections (Comelec) chairman George Garcia ang Philippine National Police nga suspendihon ang “Oplan Katok” operations para sa May 2025 elections.
Suno kay Garcia, sulit-sulit nga gina-emphasize kag ginahingyo sa PNP kag wala man nagapamwersa ang poll body, nga kun pwede, suspendihon ang implementasyon sang “Oplan Katok” sa karun nga election period.
Ang “Oplan Katok” ang isa ka door-to-door campaign batok sa expired nga mga firearms.
Una na nga ginpahayag sang PNP nga indi tinutuyo sini nga mangharass ukon mag-intimidate sang maskin sin-o sa tunga sang election season.
Apang ginpahayag ni Garcia nga ang Oplan Katok ang posible makatuga sang kahadlok sa mga botante kag sarang nga maggamit sa advantage sang pila ka mga kandidato kag incumbents.
