Nagapati ang Commission on Elections nga ang ginaduso nga impeachment ni Vice President Sara Duterte ang indi makaapekto sa scheduled National and Local Elections subong nga Mayo.
Suno kay Comelec Chairman George Erwin Garcia, ang midterms elections ang madayon kag wala sang may makapugong diri.
Suno sa iya, indi makaapekto sa preparasyon sang Comelec kag pagpatigayon sang Eleksyon ang ginaduso nga pagpahukas sa pwesto sa bise-presidente.
In kaso nga ang isa ka running senator ang mangin miyembro ukon mangin kabahin sang impeachment trial bilang isa ka judge, ginpahayag ni Garcia nga ang iya exposure sa media samtang nagapatigayon sang hearing ang indi madugang sa ginapahanugutan nga time limit para sa isa ka kandidato.
Gin-emphasize sang Comelec chief ang kinalain sa tunga sang news kag political advertisement kag kun natabuan lamang nga nangin kabahin ini sang balita, indi ini dapat paggamiton batok sa iya.
