Nagfile ang Commission on Elections sang isa ka material misrepresentation complaint batok kay dismissed Bamban Mayor Alice Guo ukon Hua Ping Guo sa Tarlac Regional Trial Court.
Gin-akusahan sang Comelec si Guo sang willfully kag unlawfully nga pagkomiter sang material misrepresentation paagi sa pagfile sang iya certificate of candidacy para sa pagka-alkalde sang Bamban para sa May 2022 elections apang sa pagkamatuod, siya ang isa ka Chinese citizen kag isa ka residente sang Fujian, China.
Gin-akusahan sang Comelec si Guo sa pagbayolar sang Section 74 sang Omnibus Election Code may kaangtanan sa Section 262 ukon Material Misrepresentation.
Sang tinalikdan nga semana, ginpahayag ni Comelec chairman George Garcia nga ang poll body ang magafile sang impormasyon matapos nga wala nangin madinalag-on ang kampo ni Guo sa pagfile sang motion for reconsideration sa kaso nga ginapangatubang sini sa poll body.
