COMELEC, nagkumpirmar nga may siyam ka contractors nga may campaign donations sa mga nagkandidato sa 2025 Midterm Elections

Ginpahayag sang Commission on Elections nga siyam ka mga contractors ang naghatag sang campaign donations sa pila ka mga kandidato sa 2025 midterms elections.

Suno kay COMELEC Chairman George Garcia, wala pa sila sang may ginkumpirmar kun ang nasambit nga mga kandidato ang nagdaog ukon nalutos apang ang matul-id amu nga siyam ka mga contractors ang naghatag sang donasyon.

Ini santo sa initial nga pagtuon sang Comelec.

Nagapadayon sa gihapon ang ginapatigayon nga pagtuon sa mga statements of contributions and expenditures nga ginfile sang 66 ka mga senatorial candidates kag 155 party-list groups.

Ila igahatag ang final nga listahan sang contractors sa Department of Public Works and Highways (DPWH) agud tun-an ini antes i-publicize.